Kea 'sɛpodʋ‑
'Sbɛ ‑nɛ 'ɛ "jru o jɔ‑
Kea 'sɛpodʋ ‑nɛ nɩ 'dʋ ke baia' ke Kea dɛ i ‑teea' ‑o. Ɛɛ' 'sbɛ tu a 'tmʋɛ Suifʋ‑ ‑wi" 'a ‑kwlʋ kmʋ ‑tɩ ke ʋʋa' 'cɛn ‑tɩ ke dɩ ‑tuu"‑ ‑tuu ‑nʋʋa ʋʋpʋ‑ "jrii ‑wi" ‑wee'‑ ‑ke ɛ. ‑Bo Kea 'a ‑jei" naaʋn ‑nɩa 'de ‑sɩan wɩ ‑nɩ 'di a seɛ 'dii ‑sro' ɛ, ɛɛ kuuɛ ʋʋpʋ‑ 'a dɩ i, ‑wɛe ʋʋa 'tmʋ ʋʋa' 'mʋatɩ‑ ke ʋʋa' ‑kwlʋ kmʋ ‑tɩ 'de Kea ‑pee.
Kea 'sɛpodʋ‑ ‑nɛ Dafi ‑mɔ 'crɩɛ ɛɛ' 'sbɩ ‑tuu", 'kaa bleʋn jrʋ' 'crɩ jrɩ' 'mɛ ‑ke.
'Sbɛ ‑nɛ 'bleɛ "jri klae" 'a kmɛ' due' kwla ‑mm". Ɛ ‑seea' 'ʋn 'ɛ kpɛ ‑mm", ka ɛ nʋa 'ʋn ‑seea' sʋn 'ka ka.
Ɛɛ' "i ‑saanɛ ('dʋ 1‑41): ‑mɛɛ' "jru kpɔ' i ‑tewlu mɛ ‑nɩ nyʋ 'srɩn ‑tu" wlu ke Kea ‑tooi" powlu ke‑.
Ɛɛ' 'sɔɔn ‑nɛ ('dʋ 42‑72): ɛɛ' "jru kpɔ' i ‑tewlu mɛ ‑nɩ nyɔ ‑nɩa 'e 'kle 'di 'a Kea baewlu‑. Dɛ ‑mɛ 'tmʋa mɛ ‑nɩ nyɔ ‑nɩa 'de 'kle 'di 'a kplewlʋ ɔɔ poa.
Ɛɛ' taan ‑nɛ ('dʋ 73‑89): ɛɛ' "jru o jɔ mɛ ‑nɩ nyɔ ‑nɩa 'de 'kle 'di ‑wɛe ‑ɔɔ pooa ɔɔ' tʋnyʋ ‑soo' o ɛ.
Ɛɛ' ‑nyiiɛ' ‑nɛ ('dʋ 90‑106): ɛɛ' "jru kpɔ' i ‑tewlu mɛ ‑nɩ ka nyɔ 'je ɔɔ' ‑cɛ" "wɔin 'bɛɛ sʋn nʋ 'de 'kle 'di ɛ‑.
Ɛɛ' ‑mm" ‑nɛ ('dʋ 107‑150): ɛɛ' "jru kpɔ' i ‑tewlu mɛ ‑nɩ kea 'sɛpodʋ‑. Dɛ ‑mɛ 'tmʋa 'de 'fɔ ‑nɩa 'mʋʋa‑ 'di mɛ ‑nɩ 'dɔe "klein ke dɩ klae" klae" Kea nʋa ɩa' ɛɛ' sɛ' potɩ‑.